ELIZABETH

Filmin adı: Yelizaveta

İstehsal tarixi: 1998

İstehsalçı ölkə: ABŞ

Janr: Tarixi

Rejissor: Şekar Kapur

Baş rollarda: Keyt Blanşet, Cefri Ruş, Vensan Kassel, Cozef Fayns və Kristofer Eskeleston

Sürəklik: 124 dəqiqə

Büdcəsi: 25 milyon ABD

Məzmunu: Böyük Britaniya imperiyasına 45 il müddətində basçılıq etmiş kraliça I Yelizavetanın gəncliyindən və hakimiyyət dövründən bəhs edən bu film onun apardığı məqsədyönlü siyasətin nəticəsində imperiyanın günü-gündən necə inkişaf etdiyini göstərir. Lakin bu, kraliçaya asan başa gəlmir. O əvvəlcə ətrafında vurnuxan daxili düşmənlərdən və xəyanətkarlardan qisas alır. Fransızları və ispanları susdurur. Avropada İngiltərənin itirilmiş nüfuzunu yenidən və əbədi bərpa edir. O ailə qurmur və İngiltərəyə ərə getdiyini elan edir.

ATTILA

Filmin adı: Atilla

İstehsal tarixi: 2001

İstehsalçı ölkə: ABŞ, Litva

Janr: Tarixi

Rejissor: Dik Louri

Baş rollarda: Cerard Batler, Tim Karri və Alisa Krayq

Sürəklik: 128 dəqiqə

Büdcəsi: 155 milyon ABD

Məzmunu: Film türk xalqının əcdadı böyük Hun imperiyasının hökmdarı Atillanın həyatından bəhs edir. Atilla uşaq yaşlarından cəsur döyüşçü olduğundan əmisi Rua onu öz yanına gətirir. Atillanın atası əsilzadə olduğundan xaqanlığa ən çox onun iddiası ola biləcəyindən ehtiyat edən əmisi oğlu ona xəyanət edərək başçı olur. Əmisi isə onu buradan uzaqlaşdıraraq Romaya göndərir. Bir müddətdən sonra Atillaya xəbər gəlir ki, əmisi zəhərlənib. Bunu eşidəndən sonra o dərhal vətənə qayıdır. Bütün tayfaları birləşdirərək xaqan olur və Roma imperiyasına hücum edir. Onu yalnız kəniz qadının vasitəsilə namərdliklə öldürürlər.

THE PATRIOT

Filmin adı: Vətənpərvər

İstehsal tarixi: 2000

İstehsalçı ölkə: ABŞ

Janr: Tarixi

Rejissor: Roland Emeri

Baş rollarda: Mel Gibson, Hit Letçer, Coeli Riçardson və Kris Kuper

Sürəklik: 165 dəqiqə

Büdcəsi: 110 milyon ABD

Məzmunu: Kəskin süjet xəttinə malik olan bu film özündə Amerika Birləşmiş Ştatlarının İngiltərə Krallığına qarşı azadlıq müharibəsini əks etdirir. 1780-ci ildə Cənubi Karolinanı öz müstəmləkəsi altında saxlamaq istəyən və amerikalıların döyüş əzmini qırmaq istəyən İngiltərə kralı Georq qitəyə çoxsaylı ordu göndərir. Əvvələr hərbi xidmətdə olan keşmiş zabit isə öz ailəsini qorumaq naminə müharibədən imtina edir. Lakin onun oğlanları ingilislər tərəfindən qətlə yetirildikdən sonra azadlıq müharibəsinə qoşulması qaçılmaz olan ata düşmənlərdən amansız qisas alır.

THE PASSION OF THE CHRIST

Filmin adı: İsanın əzabları

İstehsal tarixi: 2004

İstehsalçı ölkə: ABŞ

Janr: Tarixi

Rejissor: Mel Gibson

Baş rollarda: Ceyms Kaviezel, Monika Beluççi ve Maya Morgenştern

Sürəklik: 127 dəqiqə

Büdcəsi: 30 milyon ABD

Məzmunu: Filmin əsas süjet xətti İncildən götürülüb. Eramızın I əsrində xristian dinini yaymağa çalışan İsa Məsih Fələstində yəhudilərin sərt etirazları ilə qarşılaşır. Onlar İsanı peyğəmbər kimi tanımadıqlarını bəyan edirlər və Roma imperatorunun hakim dairələrinin köməyi ilə onu həbs etdirib çarmıxa çəkdirir və işgəncələr verirlər. Daha sonra meyitini mağara aparıb orada saxlayırlar. Lakin növbəti gün onlar İsanın qeybə çəkildiyinin şahidi olurlar. Filmin 3 dildə - ivrit, latın və arameya dillərində səsləməsi və bir çox ölkələrdə nümayişinə qadağalar qoyulması onu olduqca baxımlı edir.

THE FIRST KNIGHT

Filmin adı: İlk cəngavər

İstehsal tarixi: 1995

İstehsalçı ölkə: ABŞ

Janr: Tarixi

Rejissor: Cerri Zaker

Baş rollarda: Riçard Gir, Culiya Ormond, Şon Konneri və Ben Kros

Sürəklik: 185 dəqiqə

Büdcəsi: 72 milyon ABD

Məzmunu: İmgiltərənin məşhur və eyni zamanda xəyanətkar cəngavəri Lanselot haqda əfsanənin motivləri əsasında ekranlaşdıılan bu film Kral Arturun hakimiyyəti dövründəki hadisələri əks etdirir. Xanım Qvinevra öz qraflığının ardıcıl yağmalanmasının qarşısını almaq üçün İngiltərə kralı Artura ərə gedir. Lakin yolda Malaqantın quldurlar onu ələ keçirir. Lanselot adlı bir gənc isə xanımı xilas edir və ona aşıq olur. Bir müddət sonra Qvinevranın ardınca gələn Londona gələn Lanselot kral şənliyində qalib gələrək diqqəti cəlb edir, onu cəngavərlər sırasına daxil edirlər və beləliklə də o sevdiyi qıza yaxın olur. Ona etibar edən kral arvadının təhlükəsizliyini də ona etibar edir və Dəyirmi Masa Şurasına üzv seçir. Ancaq arvadı ilə Lanselotun ona xəyanət etdiyinə şahid olan kral ənənəyə uyğun olaraq Qvinevranı edam etdirmək üçün əmr verir. Lakin Kamelotda baş verən əhvalatlar əmrə mane olur.

BRAVE HEART

Filmin adı: Cəsur ürək

İstehsal tarixi: 1996

İstehsalçı ölkə: ABŞ

Janr: Tarixi

Rejissor: Mel Gibson

Baş rollarda: Mel Gibson, Sofi Marso, Patrik Makquen, Ketrin Makkormak və Brendan Qlison

Sürəklik: 177 dəqiqə

Büdcəsi: 53 milyon ABD

Məzmunu: Film 1280-1290-cı illərdə Şotlandiyanın İngiltərəyə qarşı azadlıq müharibəsindən bəhs edir. İngiltərə kralı Uzunayaq ləqəbli qəddar Eduard məğrur və qiyamçı şotlandları birdəfəlik susdurmaq üçün Fransa ilə ittifaqa girir, şotland zadəganlarına İngiltərə torpaqlarında, ingilis zadəganlarına isə Şotlandiya torpaqlarında mülkiyyət bağışlayır və üstəlik onlara hər evlənəcək şotland gəlini ilə ilk gecəni keçirmək hüququnu verir və vergilərdən azad edir. Lakin bu sakitlik Uilyam Uollos vətənə qayıdıncaya qədər davam edir. Onun sevgilisi ilə gizli nigah kəsdirdiyinə qəzəblənən ingilis zadəganı qızı öldürür və bu da üsyanın başlanmasına qığılcım olur. Uilyamın başçılığı altında döyüşən şotlandlar İngiltərənin şimal qarnizonlarını məhv edir və real təhlükəyə çevrilir. Ancaq çox keçmir ingilislər Uilyam Uollosu xəyanət nəticəsində ələ keçirib edam edirlər.

ALEXANDER

Filmin adı: İsgəndər

İstehsal tarixi: 2004

İstehsalçı ölkə: ABŞ

Janr: Tarixi

Rejissor: Oliver Stoun

Baş rollarda: Kolin Farrel, Ancelina Coli, Rosario Deyson, Val Kilmer və Entoni Hopkins

Sürəklik: 175 dəqiqə

Büdcəsi: 155 milyon ABD

Məzmunu: Hadisələr eramızdan əvvəl 356-cı ildən etibarən cərəyan edir. Makedoniya kralı kor Filipp yunanlarla müharibəni yenicə bitirib. O, daha yeni ərazilər ələ keçirmək niyyətindədir. Tacqoyma mərasimindən sonra hərbi səfərlərə çıxmağı planlaşdırsa da ona qarşı edilən sui-qəsd niyyətini həyata keçirməyə imkan vermir. Lakon onun oğlu İsgəndər atasının missiyasını davam etdirir. Əvvəlcə yerli vilayətləri özünə tabe etdirir, əsasını hoplerlərdən təşkil etdiyi falanqalardan ibarət güclü ordu yaradır. Məhz bundan sonra Frakiyanı keçərək Asiyaya çıxır və burada onu o dövrün ən qüdrətli dövləti olan İranla ağır müharibə gözləyir. Lakin bütün döyüşlərdə İran şahı Dara məğlub olur. İranı ələ keçirən və əyanların etirazına baxmayan İsgəndər Daranın qızı Rəqsanə ilə evlənir. Bu arada mürəbbiyəsi Hefestionu zəhərləyib öldürürlər. Bu onun qəzəbini artırır və sərkərdələrinin naməlum torpaqlara getməmək təkidini qəbul etməyib hərbi yürüşünü Hindistana doğru davam etdirməyə qərar verir. Lakin burada saysız hesabsız tayfalarla hədsiz döyüşlər və yerli iqlim onun ordusunu gücdən salıb zəiflədir. Az sonra İsgəndər isitmə xəstəliyindən dünyasını dəyişir və beləliklə imperiyası parçalanır.

APOCALYPTO

Filmin adı: Apokalipsis (Axirətin yetişməsi)

İstehsal tarixi: 2006

İstehsalçı ölkə: ABŞ

Janr: Tarixi

Rejissor: Mel Gibson

Baş rollarda: Rodi Yonqblud, Raul Turjilio, Mayra Selburo, Dalia Hernandes və Cerardo Tarasena

Sürəklik: 140 dəqiqə

Büdcəsi: 40 milyon ABD

Məzmunu: Cənubi Amerika. Mayya xalqı Xristofor Kolumbun bu materiki hələ kəşf etməmiş sakit dövrünü yaşayır. Qədim meşənin əzəli sakinləri olan bir yerli hindu kəndi dinc yaşayıb ov etməklə məşğuldurlar. Lakin bir gün bu sakitlik pozulur. Mərkəzdə baş verən quraqlıq, aclıq və xəstəliyi aradan qaldırmaq üçün sadə insanları Günəşə qurban vermək barədə əmr verir. Lakin yerli qəbilə başçısının oğlu qorxmadan özünün və sevdiklərinin həyatı uğrunda mübarizə aparır. Əsirlikdən qaçır, hamilə arvadı ilə oğlunu gizlətdiyi yerdən çıxarır, ona pislik edənlərdən qisas alır. Bütün bunlar Xristofor Kolumbun Amerika qitəsini kəşf etməsilə eyni günə təsadüf edir. Filmin qədim Mayya dilində orijinal səslənməsi ona olan marağı hədsiz artırır.

GLADIATOR

Filmin adı: Qladiator

İstehsal tarixi: 2000

İstehsalçı ölkə: ABŞ

Janr: Tarixi

Rejissor: Ridli Skot

Baş rollarda: Rassel Krou, Jakvin Foniks, Conni Nilson və Ralf Müller

Sürəklik: 160 dəqiqə

Büdcəsi: 103 milyon ABD

Məzmunu: Roma imperatoru Mark Avrelinin hakimiyyətinin son dövrü. Almanları məğlub etdikdən sonra o, Romanı respublika kimi görmək istəyir. Öz oğlunu o qədər də sevməyən Avreli onun qəddarlığından ehtiyat edir və gələcəkdə öz yerində sevimli sərkərdəsi və imperiyanın şimal ordusunun baş komandanı general Maksimus Desimus Meridiusu görmək istəyir. Lakin imperatorun oğlu Kommadus bunu hiss edir, atasını qətlə yetirir. Maksimusu öldürmək üçün onu həbs etdirir, onun ailəsini isə dar ağacından asdırır. Lakin general qaçmağa nail olur, onu kölə kimi satın alıb qladiator döyüşlərinə qatırlar. O burada İspaniyalı ləqəbi ilə hamıya qalib gəlir. Onu tanıyırlar. Sonda imperatorla döyüşməli olur və hər ikisi həlak olur.

TROY

Filmin adı: Troya

İstehsal tarixi: 2004

İstehsalçı ölkə: ABŞ

Janr: Tarixi

Rejissor: Volfanq Peterson

Baş rollarda: Bred Pit, Erik Bana, Orlando Blum, Brayn Koks və Brendin Qlison

Sürəklik: 163 dəqiqə

Büdcəsi: 175 milyon ABD

Məzmunu: Qədim yunan şairi Homerin İliada poeması əsasında çəkilən film indiki Türkiyə ərazisində yerləşən Troya şəhərinin son günlərindən bəhs edir. Qədim Yunanıstan şəhər-dövlətlərindən ibarət çarlıq halındadır. Mikeniya vilayətinin çarı Aqamemnon bütöv Yunanıstanın çarı olmaq istəyir. Bəzi vilayət çarları ilə ittifaq bağlayan Aqamemnon onları özünə tabe edir, tabe olmayanlara isə Mirmidoniya çarı Axillesin qeyri-adi gücü ilə qalib gəlir. Yunanıstandan sonra Aqamemnon Kiçik Asiyaya üz tutur, hərbi qüdrəti ilə tanınan Troya çarlığı Aqamemnon ilə dostluq münasibəti üçün ora oğlanları Hektor və Paris də daxil olmaqla elçilər göndərir. Lakin Paris burada Sparta vilayətinin çarı və Aqamemnonun qardaşı olan Menelayın arvadı gözəl Yelenaya vurulur və geri dönərkən özü ilə gizlincə Troyaya gətirir. Bunu eşidən Aqamemnon dostluq ittifaqını dərhal ləğv edir, bütün müttəfiqləri toplayıb Troyaya hücüm edir. Lakin qalib gələ bilmir. Şəhəri ələ keçirmək üçün Odisseyin təklifi ilə dülgərlər içində döyüşçülər gizlənmiş taxtadan gözəl bir at fiquru düzəldib geri çəkilirlər. Hərbi qənimət kimi atı şəhərə gətirən troyalılar məhz bundan sonra müharibəni uduzur.